به به‌شداریى جێگرى سه‌رۆكی په‌رله‌مان پاڵه‌وانییه‌تیی شه‌تره‌نج كرایه‌وه
ئەمڕۆ پێنجشەمە 15ی ئابی ۲۰۱۹، هێمن هەورامی جێگری سەرۆکی پەرلەمانی کوردستان له‌یانه‌ی شه‌تره‌نجی خانزاد له‌شارى هه‌ولێر بەشداریی لە رێوڕه‌سمی کردنەوەی پاڵەوانیه‌تیی شەترەنج کرد کە بۆ كچان و كوڕانی ته‌مه‌ن خوار ۱۸ ساڵ لەسەر ئاستی هه‌رێمی کورستان و عێراق رێكخرابوو و تیایدا چەندین یاریزان لەسەر ئاستی هه‌رێمی کوردستان و عێراق کێبەرکێ دەکەن.
لە رێوڕه‌سمه‌كه‌دا هێمن هەورامی جێگرى سه‌رۆكی په‌رله‌مانى كوردستان له وته‌یه‌كی كورتدا به‌و بۆنه‌یه‌وه وێڕای دەستخۆشی لە ریًكخه‌ران و سەرپەرشتیارانی پاڵەوانییه‌تییه‌كه پشتیوانیى خۆى و په‌رله‌مانی كوردستانى بۆ بوارى وه‌رزش له هه‌رێمی كوردستان ده‌ربڕی و رایگەیاند: "پەرلەمانی کوردستان پاڵپشت و پشتیوان دەبێت بۆ زیاتر بەرەوپێشچوون و بەرزكردنەوەی ئاستی وەرزش لە هه‌رێمی کورستان و بۆ ئەم مەبەستەش پەرلەمانی کوردستان لە چوارچێوەی پڕۆژه‌یاساو دەرکردنی یاسا كار ده‌كات بۆ زیاتر رێگەخۆشکردن بۆ بەرزكردنەوەی ئاستی وەرزشیی کوردستان بەستانداردی نێودەوڵەتی.