سەرۆکكۆمارى عێراق پیرۆزبایی لە د.رێواز فایەق دەکات
![](/media/2306/66437049_509164169623961_5209871531357765632_n.jpg?anchor=center&mode=crop&width=800&height=600&rnd=132096695090000000)
بهبۆنهی ههڵبژاردنی بهسهرۆكی پهرلهمانی كوردستان، د.بهرههم صالح سهرۆككۆمارى عێراق لەپەیوەندییەکی تەلەفۆنیدا پیرۆزبایی گەرمی خۆی ئاراستەی د.ڕێواز فایهق سەرۆكی نوێی پەرلەمانی كوردستان كردو ھیوای خواست سەركەوتوو بێت لەزیاتر گەشەپێدانی دیموكراسی و چەسپاندنی بنەماكانی عەدالەتی كۆمەڵایەتی لەدەركردن و هەمواركردنەوەی یاساكان.
لەبەشێكی دیكەی پەیوەندییە تەلەفۆنییەكەدا، ِد.بهرههم پشتیوانی و پاڵپشتیی خۆی بۆ سەرۆكی نوێی پەرلەمانی كوردستان دەربڕی و تەئكیدی كردەوە كەهاوكاری دەبێت لە هەماهەنگیی نێوان پەرلەمانی كوردستان و پەرلەمانی عێراق بەئامانجی كاركردن لەسەر ئەو یاسایانەی پەیوەندیدارن لە نێوان هەرێم و بەغداد.
لای خۆشیەوە سەرۆكی پەرلەمانی كوردستان، سوپاسی سەرۆككۆماری عێراقی كرد بۆ پەیامی پیرۆزبایی و پشتیوانیكردنی و جەختی كردهوە كە بەهەموو توانای هەوڵ دەدات كار لەسەر ئەو پڕۆژە یاسایانە بكرێت كە بنەماكانی دیموكراسی لە هەرێمی كوردستان پێشدەخەن و خزمەت بە خەڵكی كوردستان دەكەن.