نێچیرڤان بارزانی پیرۆزبایی له د. ڕێواز فایهق دهكات
![](/media/2296/455735image1.jpg?anchor=center&mode=crop&width=800&height=600&rnd=132096695090000000)
بهبۆنهی ههڵبژاردنی بهسهرۆكی پهرلهمانی كوردستان، نێچیرڤان بارزانی سهرۆكی ههرێمی كوردستان پهیامێكى پیرۆزبایی ئاراستهی د.ڕێواز فایهق كرد كه ئهمه دهقهكهیهتی:
بهڕێز خاتوو د. ڕێواز فایهق،
سهرۆكی پهرلهمانی كوردستان
بهبۆنهی ههڵبژاردنی بهڕێزتانهوه به سهرۆكی پهرلهمانی كوردستان، بهگهرمی پیرۆزباییتان لێدهكهم و هیوای سهركهوتن بۆ خۆتان بۆ پهرلهمانی كوردستان بۆ دهخوازم.
پهرلهمانی كوردستان ڕۆڵی كاریگهری ههبووه له چهسپاندنی یاساییی مافهكانی گهلی كوردستان و ڕێكخستنی ژیانی مهدهنی و ئیداری له ههرێمی كوردستان له ڕێگهی دهركردنی یاسا و بڕیاره پێویستهكانهوه. هیوادارم به ئهزموون و شارهزاییتان له كاری پهرلهمانی و به هاوكاریی ههموو فراكسیۆنهكان، خزمهتێكی باشتر به قۆناغی ئێستا و داهاتووی ههرێمی كوردستان بكهن.
ئێمهش له سهرۆكایهتیی ههرێمی كوردستان پاڵپشت و هاوكار دهبین بۆ سهرخستنی كارهكانی پهرلهمان و حكوومهتی ههرێمی كوردستان لهپێناو قووڵكردنهوهی ئهزموونی دیموكراسی و بهرهوپێشبردنی سیستهمی حوكمڕانی له ههرێمی كوردستان.
لهگهڵ ڕێزمدا..
نێچیرڤان بارزانی
سهرۆكی ههرێمی كوردستان
11/7/2019