لیژنهی پهروهرده لهگهڵ وهفدێكی ڕێكخراوی پاك تاووتوێی كردنهوهی قوتابخانهیهكی سویدی دهكهن
![](/media/1360/lparwarde.jpg?anchor=center&mode=crop&width=800&height=600&rnd=132023846890000000)
ئهمڕۆ سێشهمه 14/5/2019، لیژنهی پهروهدهو خوێندنی باڵاو توێژینهوهی زانستی له پهرلهمانی كوردستان، بهسهرپهرشتیی سهلام عهبدوڵا، سهرۆكی لیژنهو ئامادهبوونی جێگرى سهرۆكی لیژنهو بڕیاردهرو ئهندامان و راوێژكارانی لیژنهكه، پێشوازییان له دهستهی كارگێڕیی ڕێكخراوی پاكى سوید-ى كرد.
له كۆبوونهوهیهكدا شاندی میوان مهبهستی سهردانهكهیان بۆ ههرێمی كوردستان خستهڕوو كه بریتییه لهكردنهوهی قوتابخانهیهكی سویدی لهههرێمی كوردستان و بۆ ئهو مهبهستهش ههنگاوهكانیان دهستپێكردووه و هۆكاری ئهو ههنگاوهشیان ئهوهیه كه بهشێكی زۆری ئهو خانهواده كوردانهى كهدانیشتووی سویدن و خواستی گهڕانهوهیان ههیه بۆ ههرێمی كوردستان بههۆی نهبوونی خوێندنگهیهكی سویدی ستانداردهوه تووشی كێشه دهبن و ناتوانن لهبهر ئایندهی منداڵهكانیان بگهڕێنهوه ههرێمی كوردستان.
لهلایهن خۆیانهوه سهرۆك و ئهندامانی لیژنهكهى پهرلهمان وێڕای دهستخۆشیكردن لهم ههنگاوه ئاماژهیان بهوهدا كهئهوان وهكو لیژنه بهههموو شێوهیهك پاڵپشتی لهههر پڕۆژهیهك دهكهن كه بۆ پێشخستنی كهرتی پهروهردهو زانست بێت لهههرێمی كوردستان و بهڵێنی هاوكاری و ههماههنگییان پێدان بۆ سهرخستنی پرۆژهكهیان.