سه‌رۆكی په‌رله‌مان پرسه‌نامه‌یه‌كی ئاراسته‌ی خانه‌واده‌و كه‌سوكارى خوالێخۆشبوو ئاهه‌نگ عارف كرد
د.رێواز فایه‌ق سه‌رۆكی په‌رله‌مانى كوردستان بۆ كۆچی دوایی ئاهه‌نگ عارف ئه‌ندامی خولی سێیه‌می په‌رله‌مانی كوردستان پرسەنامەیەكی ئاڕاستەی خانەوادەو كه‌سوكارى خوالێخۆشبوو كرد كه ئه‌مه ده‌قه‌كه‌یه‌تی:
به‌داخ و په‌ژاره‌یه‌كی زۆره‌وه هه‌واڵی كۆچی دوایی خاتوو ئاهه‌نگ عارف ئه‌ندامی خولی سێیه‌می په‌رله‌مانی كوردستان-مان پێگه‌یشت، خوالێخۆشبوو له‌ماوه‌ی ژیانیدا كه‌سێكی ماندوو و دڵسۆزبوو بۆ هه‌موو ئه‌و كارانه‌ی كه ئه‌نجامیداوه له بواری ئه‌ندازیاری و كاركردن له رێكخراوه‌كانی ( UN) و ئه‌ندازیارى له‌شاره‌وانيی هه‌ولێر تا دوا وێستگه‌ی كاركردنی وه‌ك ئه‌ندامی خولی سێیه‌م له په‌رله‌مانی كوردستان، داواكارم ئه‌مه دواناخۆشیی بنه‌ماڵه به‌ڕِێزه‌كه‌تان بێت و خوای گه‌وره سه‌بووریی هه‌موو لایه‌ك بدات و خوالێخۆشبووش به‌به‌هه‌شتی به‌رینی خۆی شاد بكات.
"انالله وانا الیه راجعون"
د.رێواز فایه‌ق
سه‌رۆكی په‌رله‌مانی كوردستان
2019/10/6