لیژنەی پەیوەندییەکان و ڕەوەندی کوردستانی سەردانی وەزارەتی ناوخۆ دەکات
![](/media/4054/73458826_452363842050201_5657948718976991232_n.jpg?anchor=center&mode=crop&width=800&height=600&rnd=132162384930000000)
پێشنیوەڕۆی ئەمرۆ ۲۰۱۹/۱۰/۲۲ لێژنەی پەیوەندییەکانی دەرەوە و ڕەوەندی کوردستانی بە سەرۆکایەتی د. رێبوار بابکەیی سەرۆکی لێژنە و بە ئامادەبوونی جێگری سەرۆکی لێژنە و ژمارەیەک لە ئەندامانی لێژنەکە بەمەبەستی گفتوگۆکردن لەسەر بابەتەکانی بەقاچاغ گەشتکردن لە فرۆکەخانەکان، تەعداد فەرعی و ڤیزەی هەرێمی کوردستان سەردانی وەزارەتی ناوخۆیان کرد و لە لایەن ڕێبەر ئەحمەد وەزیری ناوخۆی حکومەتی هەرێمی کوردستان پێشوازییان لێکرا.
لە کۆبوونەوەیەکدا کە لە تەلاری وەزارەتی ناوخۆ بەرێوەچوو، تیشکخرایە سەر کێشەی بە بەقاچاغ گەشتکردن لە فرۆکەخانەکان و تەعداد فەرعی و ڤیزەی هەرێمی کوردستان، جەخت لەسەر گرتنەبەری میکانیزمی گونجاو کرایەوە بۆ رێگری کردن لە مەسەلەی بە نایاسایی گەشتکردن لە فرۆکەخانەکانی هەرێمی کوردستان و چارەسەرکردنی سەرجەم گرفتەکان، هاوکات باسیان لە بەهێزکردنی پەیوەندییەکانی نێوانیان و ئاڵوگۆڕی زانیاری لە نێوان لیژنەی پەیوەندییەکان و وەزارەتی ناوخۆی حکومەتی هەرێمی کوردستان کرا.