ژەنەڕاڵی پایز تەنها بە دیوانێکی شیعری و قەسیدەیەک بۆ پایز دەریایەک لە ماناو جوانی بەخشیوە بە شیعر و ئەدەبی کوردی
هێمن هەورامی جێگری سەرۆکی پەرلەمانی کوردستان بە بۆنەی کۆچی دوایی (محمد عومەر عوسمان) پرسەنامەیەکی ئاراستەی کەس و کاری خوالێخۆشبوو و ئەدەب دۆستانی کوردستان کرد.
ئەمەی خوارەوە دەقی پرسەنامەکەیە:
بەداخەوە هەواڵی کۆچی دوایی شاعیری هەست ناسک ( محمد عومەر عوسمان)، ناسراو بە (ژەنەڕاڵی پایز ) مان پێگەیشت و لە ناخەوە دڵتەنگی کردین، ژەنەڕاڵی پایز تەنها بە دیوانێکی شیعری و قەسیدەیەک بۆ پایز دەریایەک لە ماناو جوانی بەخشیوە بە شیعر و ئەدەبی کوردی، بەم بۆنە خەمناکەوە پرسە و سەرەخۆشی خۆمان ئاراستەی کەس و کار و ئەدیب و ئەدەب دۆستانی کوردستان دەکەین و داواکارین لە یەزدانی مەزن بیخاتە بەر دلۆڤانی خۆی و بە بەهەشتی بەرینی شاد بکات.
انا للە و انا الیە راجعون
هێمن هەورامی
جێگری سەرۆکی پەرلەمانی کوردستان
۲۳/۱۰/۲۰۱۹