سه‌رۆكی په‌رله‌مان پیرۆزبایی له بزووتنه‌وه‌ى گۆڕان ده‌كات
به‌بۆنه‌ی هه‌ڵبژاردنه‌وه‌ی عومه‌ری سه‌ید عه‌لی به‌رێكخه‌ری گشتیی بزووتنه‌وه‌ی گۆڕان، د.رێواز فایه‌ق سه‌رۆكی په‌رله‌مانى كوردستان په‌یامێكی پیرۆزبایی ئاراسته‌ی ڕێكخه‌ری گشتی و ئه‌ندامانی خانه‌ی ڕاپه‌ڕاندنی گۆڕان كرد كه ئه‌مه ده‌قه‌كه‌یه‌تی:
بۆ رێكخه‌ری گشتیی بزووتنه‌وه‌ی گۆڕان و ئه‌ندامانی خانه‌ی ڕاپه‌ڕاندن
به‌ڕێز كاك عومه‌ری سه‌ید عه‌لی رێكخه‌ری گشتیی بزووتنه‌وه‌ی گۆڕان
به‌ڕێزان ئه‌ندامانی خانه‌ی ڕاپه‌ڕاندن
به‌بۆنه‌ی هه‌ڵبژاردنه‌وه‌ی به‌ڕێزتان وه‌ك ڕێكخه‌ری گشتیی بزووتنه‌ی گۆڕان، گه‌رمترین پیرۆزبایی ئاراسته‌ی جه‌نابتان و ئه‌ندامانی خانه‌ی ڕاپه‌ڕاندن ده‌كه‌م، هه‌روه‌ها پیرۆزبایی خۆم ئاراسته‌ی سه‌رجه‌م ئۆرگانه هه‌ڵبژێردراوه‌كانی تری بزووتنه‌وه‌كه‌تان ده‌كه‌م، هیوادارم ئه‌م هه‌ڵبژاردنه ببێته‌مایه‌ی یه‌كخستن و پته‌وبوونی په‌یوه‌ندیتان له‌گه‌ڵ سه‌رجه‌م لایه‌نه سیاسییه‌كان له‌پێناو به‌رژه‌وه‌ندییه باڵاو ئامانجه نه‌ته‌وه‌ییه‌كانی گه‌له‌كه‌مان و هیوای سه‌ركه‌وتنتان بۆ ده‌خوازم له ڕاپه‌ڕاندنی ئه‌ركه تازه‌كه‌تاندا.
د.رێواز فایه‌ق
سه‌رۆكی په‌رله‌مانی كوردستان