جێگری سەرۆکی پەرلەمانی کوردستان پەیامێکی پیرۆزبایی ئاراستەی رۆژنامەی خەبات کرد
هێمن هەورامی جێگری سەرۆکی پەرلەمانی کوردستان بە بۆنەی ٦۱مین ساڵیادی بڵاوکردنەوەی ڕۆژنامەی خەبات، پەیامێکی پیرۆزبایی ئاراستەی سەرنووسەر و ستافی ڕۆژنامەکە کرد، ئەمە دەقی پەیامەکەیە:
بەناوی خوای مەزن و دلۆڤان
ئەمڕۆ ٦۱ساڵ تێپەڕ دەبێت بەسەر یەکەم وەشانی ڕۆژنامەی تێکۆشەری خەبات. ڕۆژنامەی خەبات بە درێژایی شۆڕشی ئەیلولی مەزن و شۆڕشی گوڵان و تا ئێستاش هەمیشە لەبەرەی پێشەوەی خەبات و تێکۆشان بووە، سەرەڕایی بەجێگەیاندی ئەرکی رۆژنامەوانی، قوتابخانەیەکیش بووە بۆ پێگەیاندی کادیر و سەرکردە لە بزووتنەوەی رزگاریخوازی خەڵکی کوردستان، وبەردەوامیش بووە لە گەیاندنی ڕاستیەکان و خستنەڕووی مەزڵوومیەتی خەڵکی کوردستان، بەم بۆنەیەوە جوانترین پیرۆزبایی لە سەرنووسەر و ستافی ڕۆژنامەی خەبات دەکەم و هیوادارم هەمیشە پێشەنگبن لە خستنەڕووی ڕاستیەکان. هەر شاد و سەرفراز بن.
هێمن هەورامی
جێگری سەرۆکی پەرلەمانی کوردستان
٤/٤/۲۰۲۰