د. ڕێواز فایەق سەرۆکی پەرلەمانی کوردستان بۆ کۆچیدوایی پێشمەرگە و ڕاگەیاندنکاری شۆڕش بارزان مەلا خالید، پەیامێکی هاوخەمی ئاراستەی خانەوادەی خوالێخۆشبوو کرد، ئەمەی خوارەوە دەقی پەیامەکەیە:

بەڕێزان/ خانەوادە و کەس وکاری پێشمەرگەی دێرین مامۆستابارزان مەلا خالید.

زۆر بەداخەوە هەواڵی کۆچیدوایی پێشمەرگەی دێرین و ڕاگەیاندنکاری شۆڕش مامۆستا بارزان مەلا خالید ئەندامی خولی یەکەمی پەرلەمانی کوردستان- مان پێگەیشت، مامۆستا لەماوەی تەمەنیدا و لە قۆناغێکی سەخت و دژواری شۆڕش و بەرەنگاریدا خزمەتێکی گەورەی بەدۆزی ڕەوای میللەتەکەمان و ڕاگەیاندنی کوردی کردووە، دەنگێکی زوڵاڵی ڕادیۆی کوردستانی عێراق بوو.

هەواڵی ماڵئاوایی کردنی یەکجارەکی دڵتەنگ و نیگەرانی کردین، داواکارین لە خوای گەورە ئارامی و سەبووری بەهەموولایەک ببەخشێ و خوالێخۆشبووش بەبەهەشتی بەرینی خۆی شاد بکات.

انا للە وانا الیه راجعون

د. ڕێواز فایەق

سەرۆکی پەرلەمانی کوردستان