جێگری سەرۆکی پەرلەمان پەیامێکی پیرۆزبایی ئاراستەی حیزبی سۆسیالیستی دیموکراتی کوردستان دەکات
![](/media/5759/hemn_hawrami_jazhny_remezan.jpg?center=0.29629629629629628,0.49673202614379086&mode=crop&width=600&height=800&rnd=132599459450000000)
هێمن هەورامی جێگری سەرۆکی پەرلەمانی کوردستان، بەبۆنەی ساڵیادی دامەزراندنی حیزبی سۆسیالیستی دیموکراتی کوردستان، پەیامێکی پیرۆزبایی ئاراستەی سکرتێر و ئەندامانی مەکتەبی سیاسی و سەرکردایەتی و ئەندام و لایەنگرانی ئەو حیزبە کرد، ئەمەی خوارەوە دەقی پەیامەکەیە:
بەڕێز/ کاک محەمەدی حاجی مەحمود سکرتێری حزبی سۆسیالیستی دیموکراتی کوردستان
بەڕێزان/ ئەندامانی مەکتەبی سیاسی و سەرکردایەتی و ئەندام و لایەنگرانی حزبی سۆسیالیست دیموکراتی کوردستان
پیرۆزبایی ٤٤مین ساڵیادی دامەزراندنی حیزبە تێکۆشەرەکەتان لێدەکەین، بە ئومێدین پێگەی حیزبەکەتان بەهێزتر بێت و هەر لە سەرکەوتن بن. حیزبی سۆسیالیستی دیموکراتی کوردستان، یەکێکە لەو حیزبانەی کە لە تەمەنی خۆی لە بەرەی گەل و بەرگری و پەرەپێدانی رۆشنبیریی نەتەوەیی بووە، چۆن لە شاخ پێشمەرگانە خەباتتان بۆ ئازادی میللەت دەکرد، لە شاریش هەر لە هەمان بەرە دابوون، باشترین نموونەش پشکداری و قوربانیدانی حیزبەکەتانە لە شەڕی رووبەڕووبوونەوەی تیرۆریستانی داعش. جارێکی دیکە ئەو یادەتان پیرۆز بێت،و هەر لە سەرکەوتن و سەرفرازی دابن.
هێمن هەورامی
جێگری سەرۆکی پەرلەمانی کوردستان
٨/٨/٢٠٢٠