لیژنەی کاروباری پێشمەرگە بەدواداچوون لە چۆنیەتی جێبەجێ کردنی یاسای چاکسازی دەکات
![](/media/6078/lejney-peshmarga.jpg?crop=0.0093749999999999147,0.0000000000000001263187085796,0,0&cropmode=percentage&width=800&height=800&rnd=132415773330000000)
ئەمشەو ١٠/٨/٢٠٢٠ لیژنەی کاروباری پێشمەرگە بە سەرۆکایەتی رێڤنگ هرۆری سەرۆکی لێژنە وبەئامادەبوونی ئەندامان و ڕاوێژکارانی لیژنەکە کۆبوونەوە.
لە کۆبوونەوەکەدا گفتوگۆ لەسەر چۆنیەتی ئەنجامدانی رۆڵی چاودێری و بەدواداچوون لە لایەن لیژنەوە بۆ شێوازی جێبەجێ کردنی یاسای چاکسازی کرا، و بەپێویست زاندرا کە پەلەی تێدا بکرێت، بۆ ئەوەی زۆربەی کێشەکانی هێزەکانی پێشمەگە وەک پلەی شایستە و پلەبەرزکردنەوە و خانەنشینی، بەشێوەیەکی دادپەروەرانە چارەسەر بکرێن. تەوەرێکی تری کۆبوونەوەکە تەرخان کرا بۆ کێشەکانی ناوچە کوردستانییەکان، هاوکات بارودۆخی ناوچە سنوورییەکان تاوتوێ کرا.
لەکۆتاییدا بڕیاریاندا سەردانی مەیدانی زیاتر بکرێت بۆبەدواداچوون لەسەر کێشە و گرفتی هێزەکانی پێشمەرگە، و شێوازی جێبەجێکردنی یاسای چاکسازی بە هەماهەنگی لەگەڵ لایەنە پەیوەندیدارەکانی حکومەتی هەرێمی کوردستان.