لیژنەی پەروەردە بەدواداچوون لەسەر پابەند نەبوونی بەشێک لەزانکۆ تایبەتەکان لە داشکاندنی کرێی خوێندن دەکات
دوای تەواو بوونی ماوەی کەرەنتین کردنی پەرلەمان کە بەھۆی توش بوونی پەرلەمانتارێک و چەند فەرمانبەرێک بەڤایرۆسی کۆڕۆنا کارەکانی بۆ ماوەی ھەفتەیەک ھەڵپەسارد بوو، نیوەڕۆێ ئەمڕۆ دووشەممە 29/6/2020 لیژنەی پەروەردەو خوێندنی باڵا بەسەرپەرشتی عبدالسلام دۆڵەمەڕی سەرۆکی لیژنە و ئامادەبوونی بڕیاردەر و بەشێک لە ئەندامانی لیژنە کۆبوونەوەی ئاسایی خۆی ئەنجامدا.
سەرەتای کۆبوونەوەکە سەرجەم ئەو نوسراو و یاداشت و داواکاریانەی ئاراستەی لیژنە کرابوون خوێندرانەوە و دوای گفتوگۆی نێوان ئەندامان بڕیاری پێویستیان لەسەر درا و ئاراستەی لایەنی پەیوەندیدار کران بەمەبەستی جێبەجێکردن و بەدواداچون.
دواتر گفتوگۆکرا لەسەر کێشەی پابەند نەبوونی بەشێک لەزانکۆ تایبەتەکانی ھەرێمی کوردستان بەبڕیاری وەزارەتی خوێندنی باڵا لەسەر کەمکردنەوە و لێخۆشبوون کە بەشیێک لە کرێی خوێندنی خوێندکاران و جەخت کرایەوە کە پێویستە ھەموو زانکۆکان پابەندبن و ڕەچاوی دۆخی دارای ھەرێم و قوتابیان بکەن.
لەکۆتایدا لێژنەکە بڕیاریدا بۆ لەنزیکەوە ئاگادار بون لەم پرسە سەردانی چەند زانکۆیەکی تایبەت بکەن.