سه‌رۆكایه‌تیی په‌رله‌مان پرسه‌نامه‌یه‌ك ئاراسته‌ی خانەوادەو كه‌سوكارى مه‌لا عه‌بدوله‌تیف بامۆكى ده‌كات
ده‌سته‌ی سه‌رۆكایه‌تیی په‌رله‌مانى كوردستان بۆ كۆچی دوایی مامۆستا مه‌لا عه‌بدوله‌تیف بامۆكى په‌رله‌مانتارى خولى یه‌كه‌مى په‌رله‌مانى كوردستان پرسەنامەیەكی ئاڕاستەی خانەوادەو كه‌سوكارى خوا لێىخۆشبێت كرد كه‌ئه‌مه ده‌قه‌كه‌یه‌تی:
به‌داخ و په‌ژاره‌یه‌كی زۆره‌وه هه‌واڵی كۆچی دوایی مامۆستا مه‌لا عه‌بدوله‌تیف بامۆكى په‌رله‌مانتارى خولى یه‌كه‌مى په‌رله‌مانى كوردستان-مان پێگه‌یشت، کە بەرەبەیانیی ئەمڕۆ شه‌مه ١٤ی ٣ی ٢٠٢٠، کۆچی دوایی کرد، خوا لێيخۆشبێ مامۆستا مه‌لا عه‌بدوله‌تیف بامۆكى نوسەرو کەسایەتیی ئاینی و شاعیرو پەرلەمانتاری خولی یەکەم بوو، کەسایەتییەکی کوردپەروەرو شۆڕشگێڕێکی دیاری بزوتنەوەی رزگاریخوازیی گەلەکەمان بوو، به‌وبۆنه‌یه‌وه پرسەو سەرەخۆشیی خۆمان ئاراستەی بنەمالەو کەسوکاری خوا لێيخۆشبێ ده‌كه‌ین داواكارین ئه‌مه دواناخۆشیی بنه‌ماڵه به‌ڕِێزه‌كه‌تان بێت و خوای گه‌وره سه‌بووریی هه‌موو لایه‌ك بدات و خوا لێيخۆشبێت-یش به‌به‌هه‌شتی به‌رینی خۆی شاد بكات.
"انالله وانا الیه راجعون"
ده‌سته‌ی سه‌رۆكایه‌تیی په‌رله‌مانی كوردستان
2020/3/14