جێگرى سهرۆكی پهرلهمانى كوردستان ساڵیادی دامهزراندنى بنكهی لالش پیرۆز دهكات
![](/media/5626/kurdistan_parliament_hemn-hawrami.jpg?anchor=center&mode=crop&width=800&height=600&rnd=132321207470000000)
بهبۆنهی یادی 27 ساڵهی دامهزراندنییهوه، هێمن هەورامی جێگری سەرۆکی پەرلەمانی کوردستان پهیامێكی پیرۆزبایى ئاراستهی بنكهى لالش دهكات، ئەمەی خوارەوە دەقی پەیامەکەیە:
بەبۆنەی 27مین ساڵیادی دامەزراندنی بنکەی ڕۆشنبیری و کۆمەڵایەتیی لالش، جوانترین پیرۆزبایی لە سەرۆک و ئەندامانی بنکەکەو تەواوی خوشک و برایانی ئێزدی دەکەم، بنکەی لالش لەماوەی کارکردنیدا خزمەتێکی زۆری بەکلتوورو ڕۆشنبیری و ئاینیی خوشک و برایانی ئێزدی کردووەو هیوادارین لهئایندهشدا ههوڵهكانتان بخهنهگهڕ بۆ زیاتر پێكهوهژیانی ئاشتییانهی نێوان سهرجهم پێكهاتهكانی كوردستان.
هەرێمی کوردستان بەدرێژایی مێژوو شوێنی پێکەوەژیانی سەرجەم پێکهاتەکان بووەو هەموومان بەیەکەوە لەم ناوچە جوگرافییە بەئاشتی و تەبایی ژیاوین، ئێمە لە پەرلەمانی کوردستان هەوڵی جدیمان بۆ ئەوەیە کە سەرجەم پێکهاتەکان هەست بەبوونی خۆیان لەسەر ئەم خاکە بکەن و هەموو مافێکیان پارێزراو بێت، بۆ ئەم مەبەستەش لە داهاتوودا هەوڵدەدەین ببین بەخاوەنی دەستووری خۆمان، دەستوورێک کە ڕەنگدانەوەی ئەو پێکەوەژیان و فرەییە جوانە بێت کە هەرێمی کوردستان شانازیی پێوە دەکات و نموونەیەکی جوانە لە ناوچەکەو جیهان، جارێکیتر پیرۆزبایی ساڵیادی دامەزراندنی بنکەی لالش-تان لێدەکەم و هیوای سەرکەوتنتان بۆ دەخوازم.
هێمن هەورامی
جێگری سەرۆکی پەرلەمانی کوردستان
2020/5/12