بەسەرپەرشتیی سەرۆكی پەرلەمان
لیژنەی ناوخۆ و ئاسایش و ئەنجوومەنە خۆجێییەکان و شاندێكی باڵای وەزارەتی ناوخۆ كۆبوونەوە
![](/media/9493/kurdistan_parliament_spk.jpg?anchor=center&mode=crop&width=800&height=600&rnd=132729823220000000)
ئەمڕۆ دووشەممە ٩/٨/٢٠٢١، د. ڕێواز فایق، سەرۆکی پەرلەمانی کوردستان، بە ئامادەبوونی د. ڤالا فەرید، وەزیری هەرێم بۆ كاروباری پەرلەمان، لە هۆڵی پڕۆتۆكۆل لە تەلاری پەرلەمان، سەرپەرشتیی کۆبوونەوەیهكی فراوانی نێوان لیژنەی ناوخۆ و ئاسایش و ئەنجوومەنە خۆجێییەکانى پهرلهمانى كوردستان و شاندێكی باڵای وەزارەتی ناوخۆی حكوومهتی ههرێمی كوردستانى به سهرۆكایهتیی ڕێبەر ئەحمەد، وهزیرى ناوخۆ کرد.
له كۆبوونهوهكهدا كه شاخهوان ڕهئووف بهگ، سهرۆكی لیژنهی ناوخۆ و جێگرى سهرۆكی لیژنهكه و بڕیاردەر و ئهندامان و ڕاوێژكارانی لیژنهكه و بهڕێوهبهرى گشتیی دیوانی وهزارهتی ناوخۆ، بهشداربوون تێیدا، گفتوگۆی چڕوپڕ دهربارهى پڕۆژهیاسای کۆمپانیا ئەمنییە تایبەتەکان لە ھەرێمی کوردستان-عێراق کرا و سهرۆك و جێگر و بڕیاردهر و ئهندامانی لیژنهكه، چەندین سهرنج و تێبینی و پرسیاریان لەبارەی پڕۆژەیاساکە ئاڕاستەی وەزیری ناوخۆ کرد، وەزیری ناوخۆش بەوردی وەڵامی پرسیار و سەرنج و تێبینییەکانی پەرلەمانتاران و ڕاوێژکارانی پەرلەمانی دایەوە.
لای خۆیهوه د. ڕێواز فایق، سەرۆکی پەرلەمانی کوردستان ڕایگەیاند:" ئەو پڕۆژەیاسایانەی کە لە حکوومەتەوە ئاڕاستەی پەرلەمان دەکرێن پێویستە بڕگە و ناوەڕۆکەکانیان ھیچ ناکۆکییەکی دەستوورییان تێدا نەبێت و پەرلەمانتاران لەگەڵ دەستپێکردنەوەی وەرزی تازەی یاسادانان ڕاپۆرتەکانیان تەواو کردبێت".