بەڕێز مامۆستا عەلی باپیر سەرۆکی کۆمەڵی دادگەریی کوردستان

بەڕێزان ئەندامانی ئەنجومەنی سەرکردایەتی

بە بۆنەی سەرکەوتنی چوارەمین کۆنگرە و، بەدەستهێنانی متمانەی ئەندامانی کۆنگرە، گەرمترین پیرۆزبایی خۆمان ئاڕاستەی سەرۆک و ئەندامانی ئەنجومەنی سەرکردایەتی و، سەرجەم ئەندامان و لایەنگرانی کۆمەڵی دادگەریی کوردستان دەکەین.

هیواخوازین سەرکەوتنی کۆنگرەکەتان ببێتە مایەی زیاتر قووڵبوونەوەی گیانی برایەتی و تەبایی نێوان هێز و لایەنە سیاسیەکانی هەرێمی کوردستان و، بەدیهێنانی ئامانجە ڕەواکانی گەلەکەمان، بەرقەراربوونی ئارامی و سەقامگیری هەمیشەیی لەکوردستان.

ئومێدەوارین هەموو ئەو بەرەوپێشەوەچوون و گۆڕانکارییە تازە و بنەڕەتیانەی حیزبەکەتان کە لە کۆنگرەدا بڕیاری لەسەر دراوە، لێکەوتەی کردەیی هەبێت و لەسەر ئەرزی واقیع و خەباتی سیاسیدا ڕەنگبداتەوە و لە پرۆسەی سیاسی و گەشەپێدانی هەمەلایەندا ڕۆڵ و نەخشی کاریگەری هەبێت، جارێکی تر پیرۆزباییتان لێدەکەم و هیوای سەرکەوتنتان بۆ دەخوازم.

د. ڕێواز فایەق

سەرۆکی پەرلەمانی کوردستان

٢٠٢١/٢/٢٠