یاساى فرۆشتن و بهكرێدانی موڵك و ماڵی دهوڵهت دهرچووێندرا
![](/media/7386/kurdistan_parliament-d1-naasaee.jpg?anchor=center&mode=crop&width=800&height=600&rnd=132544211810000000)
لهبهشی دووهمى دانیشتنی ژماره (1)ى نائاسایی ئهمڕۆ چوارشهمه 2021/1/6، كه بهسهرۆكایهتیی د.رێواز فایق سهرۆكی پهرلهمانی كوردستان و ئامادهبوونی هێمن ههورامی جێگری سهرۆكی پهرلهمان و منى نبى قههوهچی سكرتێری پهرلهمان بهڕێوهچوو، بهپێی خاڵی دووهمی بهرنامهى كارى دانیشتنهكه كهبریتی بوو لهدهنگدان لهسهر پڕۆژهیاسای فرۆشتن و بهكرێدانی موڵك و ماڵی دهوڵهت لهههرێمی كوردستان-عێراق، لهلایهن لیژنهی تایبهتمهند كهپێكهاتبوو لهلیژنهكانی (كاروبارى یاسایی، دارایى و كاروبارى ئابوورى)، بهجیا ناوونیشان و ماده بهمادهو بڕگه بهبڕگهو هۆكارهكانی دهرچوواندنى پڕۆژهیاساكه بهو پێشنیازانهى كهلهلایهن ئهندامانی پهرلهمان لهدانیشتنی پێشووتردا لهكاتی خوێندنهوهى دووهمی پڕۆژهیاساكه بۆ ههر مادهو بڕگهیهك خرابوونهڕوو و لهو ڕاپۆرته هاوبهشهدا جیگهیان كرابووهوه، خرانه دهنگدانهوهو پهسندكران.
پاشان كۆی یاساكه خرایه دهنگدانهوهو به 64 دهنگ پهسندكراو بهو بۆنهیهشهوه سهرۆكی پهرلهمانی كوردستان پیرۆزبایى لهپهرلهمان و خهڵكی كوردستان كردو بهمجۆره كۆتایى بهدانیشتنهكه هێنا.
شایانی باسه مهبهست لهدهرچوواندنی ئهو یاسایه لهبهر گرنگیی موڵك و ماڵهكانی دهوڵهت چونكه خاوهنداریهتیی بۆ گهله، دهسهڵاتی ئیدارى پابهنده بهچاك رهفتارپێكردن بهم موڵك و ماڵانه، بهوشێوهیهی بهرزترین سوود بۆ گهل دهستهبهر دهكات و بهرژهوهندیی گشتى لهبهرچاو دهگرێت، بۆیه پێویسته فرۆشتن یان بهكرێدان یان بانهوانیی بهپێی چهند حوكمێكی یاسایی بێت كهرێكارهكانی رهفتارپێكردن بهم موڵك و ماڵانه بهزۆرترین ئاستی شهفافییهت و روونی و نزیكی بۆ دادپهروهرى رێكبخات بهوشێوهیهی ئامانجهكانى فرۆشتن و بهكرێدانی موڵك و ماڵهكانی دهوڵهت دهستهبهر بكات.