ڕاپۆرتی کۆتایی ھەمواری یەکەمی یاسای بەخاوەنكردنی ئەو زەوییانەی كە لەسنووری شارەوانییەكان زێدەڕۆییان لەسەر كراوە ئامادەکرا
بەمەبەستی ئامادەکردنی ڕاپۆرتی کۆتایی لەسەر ھەمواری یەکەمی یاسای ژمارە ٣ی ساڵی ٢٠١٩، یاسای بەخاوەنكردنی ئەو زەوییانەی كە لەسنووری شارەوانییەكان زێدەڕۆییان لەسەر كراوە لەهەرێمی كوردستان، نیوەڕۆی ئه‌مڕۆ دووشه‌ممه ٢٠٢١/٧/٥، کۆبوونەوەیەکی ھاوبەش لەنێوان لیژنەی کاروباری یاسایی و لیژنەی شارەوانی و گواستنەوەو گەیاندن و گەشتوگوزار ئەنجامدرا.
کۆبونەوەکە بەسەرپەرشتیی لوقمان وەردی سەرکی لیژنەی شارەوانی و جه‌لال محه‌مه‌د بڕیاردەری لیژنەی کاروباری یاسایی و ئاماده‌بوونی ژماره‌یه‌ك له‌ئه‌ندامان و ڕاوێژكارانی هه‌ردوو لیژنه‌كه‌ئەنجامدراو سەرجەم ئەو پێشنیارانەی کەئەندامانی پەرلەمان لەسەر مادەو بڕگەکانی ھەمواری یاساکە لەدانیشتنی ڕابردووی پەرلەمان خستبوویانەڕوو له‌ڕاپۆرتی هاوبه‌ش و كۆتایی هه‌ردوو لیژنه‌دا ڕێکخرانەوەو ئاراستەی سەرۆکایەتیی پەرلەمان کرا بۆئەوەی لەدانیشتنی ڕۆژی سێشەممە ٢٠٢١/٧/٦، بخرێتە دەنگدان و پەسەند بکرێت.