لیژنەی ڕۆشنبیری و کۆمەڵگەی مەدەنی و وەرزش و لاوان چه‌ند پێشنیازه‌یاسایه‌ك تاووتوێ ده‌كات
بەمەبەستی تاووتوێكردنی چه‌ند پێشنیازه‌یاسایەک، نیوەڕۆی ئەمڕۆ چوارشەممە ٢٠٢١/٩/٨، لیژنەی ڕۆشنبیری و کۆمەڵگەی مەدەنی و وەرزش و لاوان، بە سەرپەرشتیی سەلمە فاتح، سەرۆکی لیژنە و ئامادەبوونی جێگری سەرۆکی لیژنە و ژماره‌یه‌ك له ئەندامان و ڕِاوێژکارانی لیژنەكه، کۆبوونەوە.
لە کۆبوونەوەکەدا کە سەرۆکی لیژنە بە ئۆنلاین بەشداریى تێدا کرد، گفتوگۆ کرا لەسەر ناوەڕۆک و مادە و بڕگەکانی ھەردوو پێشیازەیاسای ناوەندی ئەرشیفی نیشتمانی و لیژنەی ئۆڵمپیی کوردستان، دوای گفتوگۆی نێوان ئەندامان بڕیاردرا کە جارێکی تر داڕشتنەوەیان بۆ بکرێت و دواترئاڕاستەی سەرۆکایەتیی پەرلەمان بکرێت.