د. ڕێواز فائق په‌یامێكی هاوخه‌میی ئاراسته‌ی ڕه‌فعه‌ت عه‌بدوڵا كرد
به‌ڕێز.. هه‌ڤاڵ كاك ڕه‌فعه‌ت عه‌بدوڵا، بڕیارده‌رى ده‌سته‌ى كارگێڕیى مه‌كته‌بى سیاسیى یه‌كێتیى نیشتیمانیى كوردستان..
زۆر به‌داخه‌وه هه‌واڵی كۆچی دوایی تێكۆشه‌ر و پێشمه‌رگه‌ی دێرین هه‌ڤاڵ ڕه‌مزى عه‌بدوڵا-مان پێگه‌یشت، هه‌ڤاڵ ڕٍه‌مزی یه‌كێك بوو له كادیره زیره‌ك و شاره‌زاكانی كاری ڕێكخراوه‌یی و له بنه‌ماڵه‌یه‌كی شۆڕشگێڕ و تێكۆشه‌ری میلله‌ته‌كه‌مان. كۆچكردنی خه‌ساره‌تێكی گه‌وره‌یه و هه‌موومانی نیگه‌ران و خه‌مبار كرد.
داواكارین له خوای گه‌وره ئارامی و سه‌بووری به‌هه‌موو لایه‌ك ببه‌خشێ و خوالێخۆشبووش به به‌هه‌شتی به‌رینی خۆی شاد بكات.
"انا لله و انا الیه راجعون"
د. رێواز فائق حسێن
سه‌رۆكى په‌رله‌مانى كوردستان