سەرەتای کۆبوونەوەکە تایبەت بوو بە خوێندنەوەی ئەو نوسراو و یاداشتانەی ئاراستەی لێژنەکە کرابوون، دوای گفتوگۆکردن و ڕاگۆرینەوەی ئەندامان، وەڵامی پێویستیان درایەوە.

دواتر گفتوگۆ کرا لەسەر نوسینی ڕاپۆرتی لێژنە لەسەر پێشنیازە یاسای" ھەمواری چاودێری ناکامەکان ژمارە/ ٧٨ی ساڵی ١٩٨٩ی ھەموارکراو لەھەرێمی کوردستان - عێراق " کە لە دانیشتنی ژمارە ١٦ی ئاسایی لە ۲۰۲۱/٦/۲۸ خوێندنەوەی یەکەمی بۆ کراوە.

تەوەرێکی تری کۆبوونەوەکە تاوتوێکردنی بابەتی ئەنجامدانی سەردانی شاندێکی لێژنە بوو کە لە ۲۰۲۲/۱/۲۳ بۆ بەرێوەبەرایەتیی چاکسازی ژنان و منداڵان و بەرێوەبەرایەتی توندوتیژی خێزانی و سەنتەری نەوا لە پارێزگای دھۆک.

ھەروەھا بەمەبەستی بەدواداچوون بۆ چەند پرسێکی تری نێو بەڕێوەبەرایەتی چاکسازییەکان گفتوگۆی پێویستیان لەبارەوە کرا، لەوانەش بابەتی فۆرمی داتای حوکمدراوانی چاکسازییەکان و ئاگادارکردنەوەی ئەندام و ڕاوێژکارانی لێژنەکە بەمەبەستی جێبەجێکردنی کۆکردنەوەی داتاکان لە چاکسازیەکانی ھەرێم ھەروەھا گفتوگۆکردن لەسەر بابەتی ئازادبوونی بەمەرج بۆ سزادراوان.

گفتوگۆ کردن و بەدوادچوون بۆ کەیسی گیان لە دەستدانی سزادراوێک لەنێو چاکسازی گەوران لەدھۆک پرسێکی تری کۆبوونەوەکە بوو بۆ ئەم مەبەستەش لێژنە بریاریدا بەدواداچوونی پێویستی بۆ بکات.