سەرۆکایەتیی پەرلەمانی کوردستان پەیامێکی هاوخەمی ئاڕاستەی خانەوادەی کۆچکردوو شێخ شامۆ دەکات
بەداخەوە هەواڵی کۆچی دوایی کەسایەتی دیاری ئێزیدیان (شێخ شامۆ شێخۆ نەعمۆ) ئەندامی خولی چوارەمی پەرلەمانی کوردستان و سەرۆکی سەنتەری ڕۆشنبیری لالشمان بیست.
کۆچکردوو، ئەندامێکی کارای خولی چوارەمی پەرلەمانی کوردستان بوو، و بەو پەڕی دڵسۆزییەوە نوێنەرایەتی پێکهاتەی ئێزیدی لە پەرلەمانی کوردستان دەکرد.
بەم بۆنە خەمناکەوە پرسە و هاوخەمی خۆمان ئاڕاستەی میری ئێزیدیان و جڤاتی ڕوحانی و خانەوادە و بنەماڵە بەڕێزەکەیان دەکەین.
سەرۆکایەتیی پەرلەمانی کوردستان
٢٠٢٢/١/١٨