لێژنهی رۆشنبیری پهرلهمان سهرهخۆشی له خانهوادهی هونهرمهندی كۆچكردوو فهیسهڵ عوسمان دهكات
![](/media/12077/285910875_389263796496254_7635564987955742764_n.jpg?center=0.27089337175792505,0.49681528662420382&mode=crop&width=800&height=600&rnd=132992286660000000)
زۆر بهداخهوه ئهمرۆ هونهرمهندی شێوهكاری ناوداری كوردستان (فهیسهل عوسمان) له تهمهنی ٦٦ ساڵی بهنهخۆشی جهڵتهی دڵ كۆچیدوایی كرد.
هونهرمهندی كۆچكردوو یهكێك بوو لههونهرمهند و شێوهكاره لێهاتوو و به توانا و دهست رهنگینهكانی كورد، كه لهگهڵ تابلۆكانیدا بهشداری لهدهیان پێشانگەی ناوخۆ و ناوچهكه و نێودهوڵهتیدا كردووە، یهكێك بوو له ناوه دیارهكانی هونهری وێنهكێشان لهئاستی ناوخۆ ونیودهوڵهتی، لههونهری شێوهكاریدا خاوهنی رێچكهیهكی تایبهت و ناوازهی هونهری نیگاركێشی بوو، كه دڵسۆزانه تهواوی ژیانی خۆی بهكاركردن لهگهڵ رهنگه ئاوییهكان وفڵچه و تابلۆكانیدا به سهر برد.
له لێژنهی رۆشنبیری وێڕای ئهوهی بهبایهخهوه كاره رهنگینهكان و بهرههمه نایابهكانی بهرز دهنرخێنین، هاوکات هاوخهمی و دڵتهنگی خۆمان لهگهڵ خانهواده بهڕێزهكهی هونهرمهندی كۆچكردوو كاك فهیسهڵ رادهگهیهنین، سهرهخۆشی لهتهواوی هونهرمهندان و هاورێیانی كۆچكردوو دهكهین، له خوای گهوره داواكارین گیانی كۆچكردوو به بهههشتی بهرین شاد بكات سهبر و ئارامی به خانهوادهكهی وگشت لایهك ببهخشێت.
لێژنهی رۆشنبیری و كۆمهڵی مهدهنی و وهرزش ولاوان لهپهرلهمانی كورستان
٢٠٢٢/٦/٨