د. هێمن هەورامی له په‌یوه‌ندییه‌كی ته‌له‌فۆنیدا هاوخەمیی خۆی گەیاندە د. هه‌ڤاڵ ئه‌بوبه‌كر پارێزگارى سلێمانی
به‌مه‌به‌ستی گه‌یاندنی هاوخه‌میی خۆی بۆ كۆچی دوایی باوكی به‌ڕێزیان، د. هێمن هەورامی، جێگری سەرۆکی پەرلەمانی کوردستان، له په‌یوه‌ندییه‌كی ته‌له‌فۆنیدا پرسه و سه‌ره‌خۆشی و هاوخەمیی خۆی گەیاندە د. هه‌ڤاڵ ئه‌بوبه‌كر، پارێزگارى سلێمانی بۆ کۆچی دوایی (ئەبوبەكر حوسێن ھەڵەبجەیی)، كه ده‌كاته باوكی بەڕێزیان و له‌ڕێگه‌ی ئه‌ویشه‌وه به خانه‌واده و كه‌سوكاره‌كه‌ى.
لە پەیوەندییە تەلەفۆنییەکەدا، جێگری سەرۆکی پەرلەمان، وێڕای گه‌یاندنی پرسه و سه‌ره‌خۆشی و هاوخەمیی خۆى بۆ لە دەستدانی باوكی، هیوای خواست ئه‌مه دواكۆست و ناخۆشیی خۆى و بنەماڵەکەیان بێت و خوای گه‌وره‌ش كۆچكردوو بە بەهەشتی بەرینى خۆی شاد بکات و سەبر و ئارامیش بە خۆیان و کەس و کار و بنەماڵەکەیان ببەخشێت.